तिम्रो माया....

किन होला यस्तो माया, तिमि संग बस्न पुग्यो

चालै नपाई मेरो मुटु, तिमि भित्र पस्न पुग्यो

माया गर्नु हुन्न भन्थें, माया बाट भागी हिंड्थे

कस्तो टुना तिमीले गर्यौ, तिमि संगै फस्न पुग्यो

झुठो माया भए हुन्थ्यो, भमरा सरि उडी हिंड्थे

बेहोशि मै तिमि संग, चोखो माया कस्न पुग्यो

तिम्रो हाम्रो मिलन संगै, सुखी जिबन बाँची हिंड्थे

तर समाजको बक्र दृष्टि, हामी माथि खस्न पुग्यो

समाज को कस्तो नियम, मानिस मानिस फरक देख्ने

छुवाछुत को जहर ले, हामी लाई डस्न पुग्यो

तिमि बिना....

तिमि पाउने सपना देख्नु, मेरो लागि पाप भो
छातीमा मुटु पोल्छ, जिन्दगी एक श्राप भो |

संगै जिउने संगै मर्ने, बाचा धेरै खाए पनि
मलाई छोडी तिमि गयौ, सपना सबै सखाप भो |

सपनामा आउँछौ तिमि, मैले नबोलाए पनि
बिपनामा तिमि हुन्नौ, जिन्दगी अभिशाप भो |

धेरै प्रयास गरें मैले, धेरै पल्ट बुझाए पनि
तिमीले नै नबुझे पछी, बेकारको आलाप भो |

बाँच्न अब रहर छैन, साँस अझै फेरे पनि
तिमि बिना यो जिन्दगी, मात्र करकाप भो |