म मरे पनि मलाई....

शब्द: लक्ष्मण लोहनी; संगीत: चन्द्रराज शर्मा
स्वर: नारायण गोपाल

म मरे पनि मलाई, मेरो देशको माया छ
यो छाती भरि मुरी का मुरी, नेपालको माया छ
म मरे पनि...

म खेलें जहाँ म हुर्कें जहाँ, त्यहि आगन प्यारो छ
यी छाती भित्र लुकेर आउने, मायानै माया छ
म मरे पनि...

सेरो र फेरो यो देश मेरो, माटोको माया छ
बिरका छोरा नेपाली मेरा, पुर्खाको माया छ
म मरे पनि...

जहाँ म जाउँ नेपाली हुँ म, नेपालको माया छ
धरतीमा मेरो भन्नु नै यहि छ, यसैको माया छ
म मरे पनि...