केहि मिठो बात गर....

शब्द: काली प्रसाद रिजाल: संगीत: नारायण गोपाल
स्वर: नारायण गोपाल

केहि मिठो बात गर, रात त्यसै ढल्किंदैछ
भरे फेरि एकान्तमा रुनु त छंदैछ २

रमाइलो कुरा गर, सपनाको कुरा गर २
सँग सँगै बिताएको सम्झनाको कुरा गर
दु:ख छोड दु:खलाई त जिन्दगानी छँदैछ
भरे फेरि एकान्तमा...

आउ नाचौं अँध्यारोमा, जुनकिरी नाचे जस्तै २
बतासमा उडौँ आज, सिमलको भुवा जस्तै
दुई कदम साथ हिँडौ, छुटिनु त छँदैछ
भरे फेरि एकान्तमा...